Unguwa ce a Kewayen Yamai inda yaran talakkawa da yawa masu fama da talauci ba su samu shiga makarantar boko ba. A nan ne wani ‘’huroje’’ da ya fara aiki a shekarar 2002 yake tara waɗanga yara ta hanyar wata ƙungiyar matan unguwar, sai ya ba su horon shekara guda don su samu shiga cikin sauran makarantun gwamnati a shekara mai zuwa.

Lokaci 2002-2009: kafawa

Kowace shekara ana buɗe aji mai yawan ƴan mata daidai da maza, ƴan shekara 7 zuwa 9. Bayan shekara 1, dukan su ne suke samun komawa makarantun gwamnati.

Da farko, an buɗe ajin don ɗaukar yara 50. Amma a shekarar 2003-2004, sai da yaran suka kai 72, maza da mata.

A shekarar 2005-2006, har da abincin rana ƙungiyar ta riƙa ba yara, tare da gudanar da wasu ayyukan da suka shafi al’adu.

ƙungiyar ta samu amincewar ofushin Ministan ilimi a game da tsarin ayyukan da ta wallafa. Sannan ne ta nemi wurare tare da ban hannun wasu abokan hulɗa domin rubuta yaran, da ɗaukar malamin makarantar, da kuma kawo kayan aikin da ya kamata a cikin ajin.

Daga nashi bangare, shugaban ƙananan makarantun yankin ‘’inspaktar’’ ya ba da teburori da kayan aikin ƴan makaranta.
Ita kuma Tarbiyya Tatali, ta hanyar wani taimako da ta samu, ta ɗauki nauyin biyan malamin makaranta, da sayen littattafai da cikon sauran kayan aiki, da kuma gina aji na haki da takato.

A shekara ta 2009, makarantar ‘’Espoir’’ ta samu tallafi daga ‘’Rotary Club d’Istres’’ don gina magewaya daban daban, da sayen teburori da bancinan karatu, da kuma kayan aikin ƴan makaranta.

Lokacin 2010-2012: ƙarfafa ayyukan tare da taimakon ƙungiyar Stromme

Ƙungiyar ta buƙaci bunƙasa aikinta na shiga makaranta har zuwa ga yaran unguwar Tallaje tare da gurin buɗe masu hanyar kyautata halin rayuwarsu da ta uwayensu a ƙarshe.

Domin haka, ‘kungiyar ta kafa tsari biyu (2) na rubuta ƴan makaranta :
Makarantar buɗe hanyar ci-gaba da karatu ta ƴan shekara 6 zuwa 8.
Makarantar horarwa da sauri cikin gajeren lokaci ta ƴan shekara 12 zuwa 14.

Ana bada horon a cikin harsunan gida tare yin amfani da faransanci da farko ta maganar baki, san nan ne na rubuce zai biyo baya.

Lalle ne an yi lura da yara ƴan Nijar masu kaiwa har aji na 5, yawancin lokaci ba su iya karatu da rubutu sosai ba.

Sau da yawa aka yi gwajin karantarwa cikin harshen gida. A kowane lokaci, gwajin ya nuna cewa koyo cikin harshen gida yana kawo wa ƴan makaranta sauƙi wajen iya karatu da rubutu, kuma yana sulhunta masu koyon wani harshe daban kamar faransanci.

A game da makarantar buɗe hanyar ci gaba da karatu cewa da classe ‘’passerelle’’ da aka kafa a shekarar 2006 zuwa 2007, yaran na shekara 6 zuwa 8 suna yin ingantaccen karatu na shekara 1, san nan yawanci sai su koma makarantar boko ta yau da kullum. A cikin watanni 3 na farko ana koyarwa a cikin harshen gida. Bayan haka ne ake sanyo ‘faransanci a maganar baki da kuma a rubuce a cikin tsawon sauran watannin shekarar. A shekara ta 2010, ƴan makaranta 108 bisa 147 suka samu zarcewa a aji na 3 kambacin aji na 2 ; kenan an samu kashi 73 da ɗigo 47 bisa 100. Wagga ƙetarar ta shekarar 1, babban amfani ne ga ƴan makarantar da suka makara wajen shiga makaranta, kuma uwajen nasu suna hamdala da wannan sabuwar husa’ar.

A game da makarantar horarwa cikin gajeren lokaci da aka kafa a shekara ta 2009 tare da tallafin gidauniyar ‘’stromm’’, yara 31, ƴan shekara 12 zuwa 14 ne suka yi cikakken karatu na shekara 2. Ana yin karantarwar a cikin harshen gida cikin watanni 2 na farko, san nan kaɗan kaɗan ana kawo ’faransanci a maganar baki, sai kuma a rubuce.
A shekara ta 2010, da aka yi wata jarrabawa, ƴan makaranta 30 (na 31 ba ya da lafiya a lokacin) suka samu sakamakon kirki ; ga yadda ya kasance : 4 suka samu sakamakon da ya wuce mizani, 8 masu sakamakon ƙwarai, ɗaya (1) samu sakamako mai kyau, 7 suka samu madaidaici, 4 kuwa suka samu ragaggen sakamako. A cikin su kuwa, ƴan makaranta 13 ne waɗanda ba su ta’ba zuwa makaranta ba kafin watan Disamba 2009, har da wadda ta zo ta farkon ma. Jarrabawar ta dace da ƙarshen karatu na aji na 4, kuma ma ‘aikatar kula da makarantu cewa da ‘’Inspection’’ kwamin ta 4 ta Yamai ta shirya jarrabawar

Makarantar « fata » ta tsaida ayyukanta tsakanin 2013 da 2016.

An sake kafa sabon aji a watan Oktoba 2017. Akwai ƴan makaranta 31, ƴan mata 19 da ƴan maza 12, an samu damar yin wannan aiki da kudaden da AECIN ke biya. Makarantar yanzu dai a sa mata sunan Mahamadu Saidu, wanda ya kafa ta. Mai gudanar da ayyukan ta nuna da cewa inda ana son a yaki rishin zuwa makaranta na yara, to sai an kafa tsarin cin abinci a makarantar da rana. Saboda haka AECIN ta tara kuɗi yin starin.

A shekara ta 2018-2019, an koma makaranta ran 1 ga watan oktoba, ɗalibai 30 ke akwai, ’yan mata 8 da ‘yan maza 22. ’yan mata ba su da yawa saboda ƙanana ne, shekarunsu ba su isa su shiga makarantar unguwa ba. An yi wani annoba ta ƙarimbau a watan Janairu 2019, ta kama mai gudanar da ayyukan makarantar, amma yanzu kome na zuwa daidai. An kafa tsarin cin abinci a makarantar da rana a tsakiyar watan Afrilu. Wannan shi ne lokaci mafi wuyan yanayi na shekara soboda zahi, kuma farashin abinci na karuwa. An kuma kawo ruwa a kusa da aji wanda zai ba da izinin noma lambun makaranta.

Déjeuner à l'Ecole Espoir
Déjeuner à l’Ecole Espoir